ՌԴ ԱԳՆ տեղեկատվության և մամուլի դեպարտամենտի փոխտնօրեն Անդրեյ Նաստասինը հայտարարել է, որ ՌԴ–ն ուշադրություն է դարձրել Լատվիայի, Լիտվիայի և Էստոնիայի ղեկավարների հերթական հակառուսական հայտարարություններին Հայստանի ԱԳ նախարար Արարատ Միրզոյանի և ԱԺ նախագահ Ալեն Սիմոնյանի կատարած այցերի ժամանակ։
Ըստ պաշտոնյայի՝ Բալթյան երկրների ղեկավարները փորձել են ՀՀ–ին փաթաթել իրենց փորձն, այսպես կոչված, արտաքին քաղաքականության դիվերսիֆիկացման հարցում։ Նաստասինի խոսքով՝ Բալթյան պետությունները, Վաշինգտոնի հրամանով, փորձում են ՌԴ–ի դեմ տրամադրել նախկին խորհրդային պետություններին։
Հարավային Կովկասում Լատվիան, Լիտվիան և Էստոնիան ծայրահեղ ապակառուցողական դեր են խաղում։
ՌԴ ԱԳՆ ներկայացուցիչը հույս է հայտնել, որ Վրաստանի օրինակը դաս կլինի Երևանի համար։
«Եթե ինչ–որ բան մերձբալթյան երկրների ուզածով չընթանա, Երևանին եվրատլանտյան դաշտ տեղափոխել ցանկացող կուրատորները ՀՀ–ի վրա ցուցումների հոսք կթափեն՝ ինչպես պետք է վարվել։ Հիմա ՀՀ–ին ողջ ուժով ցանկանում են պոկել ՌԴ–ից, հեռացնել մեր ընդհանուր ինտեգրացիոն մեխանիզմներից՝ ներառյալ ՀԱՊԿ–ից», – նշել է Նաստասինը՝ հավելելով, թերևս չարժե հօգուտ Արևմուտքի՝ հրաժարվել երկրի սոցիալ–տնտեսական կայունությունն ապահովող մեխանիզմներից։
«Պետք չէ մխիթարվել նրանով, թե ԵՄ–ում պատրաստ են ապահովել ՀՀ–ի համար պայծառ ապագա։ Պարզ է, որ մերձբալթյան երկրներն այդ հարցում վատ խորհրդատուներ են», – նշել է ԱԳՆ ներկայացուցիչը։
