Մերձավոր Արևելքում ռազմական հակամարտությունները կավարտվեն, երբ ԱՄՆ–ը և եվրոպական երկրները հեռանան տարածաշրջանից․ այս մասին հայտարարել է Իրանի հոգևոր առաջնորդ այաթոլլա Ալի Խամենեին։
«Եթե նրանք [ԱՄՆ–ը և Եվրոպան] հեռանան տարածաշրջանից, ապա, անկասկած, հակամարտությունները, պատերազմներն ու բախումները լիովին կդադարեն։ Տարածաշրջանի բոլոր երկրներն իրենք կարող են կարգուկանոն հաստատել իրենց տարածքներում և տարածաշրջանում։ Միասին ապրեք խաղաղության, առողջության և բարեկեցության մեջ»,- նրա խոսքերն է մեջբերել Mehr գործակալությունը։
