Մեկ տարեկան երեխայի սպանության դեպքով նախաձեռնվել է ևս մի քրեական վարույթ

Մեկ տարեկան երեխայի սպանության դեպքով նախաձեռնվել է ևս մեկ քրեական վարույթ՝ երեխայի դաստիարակության կամ խնամքի պարտականությունները չկատարելու կամ ոչ պատշաճ կատարելու դեպքով՝ Քրեական օրենսգրքի 247-րդ հոդվածի հատկանիշներով․ ABC Media-ին հայտնեցին Գլխավոր դատախազությունից։

Հաղորդվում է, որ այն միացել է նախորդ քրեական վարույթին: Կատարվում է նախաքննություն:

Հիշեցնենք, որ մարտի 16-ին «Արաբկիր» ԲԿ ընդունված 1 տարեկան 2 ամսական երեխան օրեր անց մահացել է։

Երեխան հոսպիտալացվել էր «կլինիկական մահ» ախտորոշմամբ։ Մեկամյա երեխային ծեծելու դեպքի առնչությամբ կալանավորվել է երեխայի մոր նախկին զուգընկերոջ կինը։