Սամվել Վարդանյանի նկատմամբ կիրառվեց տնային կալանք, սահմանվեց 7 միլիոն դրամի գրավ
ՔՊ-ական պատգամավոր Հակոբ Ասլանյանի հետ վեճից հետո ձերբակալված, ապա Ձերբակալվածների պահման վայր տանելու ճանապարհին բռնության ենթարկված Սամվել Վարդանյանի նկատմամբ տնային կալանք և 7 մլն դրամ գրավ է սահմանվել։
Այդ մասին տեղեկացրել է նրա փաստաբաններից Ռուբեն Մելիքյանը։
Հիշեցնենք, որ Սամվել Վարդանյանը ձերբակալվել էր ավտոբուսում ՔՊ-ական պատգամավոր Հակոբ Ասլանյանին վիրավորելու համար։ Քննադատելով իշխող ուժին` հանձնողական քաղաքականությունը` նա պատգամավորին «դավաճան վիժվածք» էր անվանել, ինչին ի պատասխան պատգամավորը հարվածել էր քաղաքացուն։
Ավելի ուշ նրա փաստաբաններն ահազանգեցին, որ ՁՊՀ տեղափոխելու ճանապարհին ոստիկանական մեքենան կանգնեցրել են, դիմակավորված անձինք ծեծել, խոշտանգել ու անարգել են քաղաքացուն։
