Փարիզ-2024․ Հայաստանն այսօր ունի երեք ներկայացուցիչ

Հայ մարզիկները շարունակում են պայքարը Փարիզում ընթացող 33-րդ ամառային Օլիմպիական Խաղերում։ Այսօր՝ օգոստոսի 10-ին, Հայաստանն  ունի երեք ներկայացուցիչ։

13։00-ից Փարիզի «Champ-de-Mars» մարզապալատում պայքարը 1/8-րդ եզրափակչից կսկսի Հայաստանի ազատ ոճի ըմբշամարտի հավաքականի ներկայացուցիչ Վազգեն Թևանյանը (65 կգ)։

13։30-ին ծանրամարտի օլիմպիական մրցաշարում մրցահարթակ դուրս կգա Գարիկ Կարապետյանը  (102 կգ)։

Մրցումային օրը կեզրափակի Հայաստանի  ծանրամարտի հավաքականի մյուս ներկայացուցիչ Վարազդատ Լալայանը (+102 կգ)՝ 22։30-ին։ Նույն քաշային կարգում հանդես կգա նաև Հայաստանի հավաքականի նախկին առաջատար, այժմ Բահրեյնը ներկայացնող Գոռ Մինասյանը։