Իսրայելի հարձակման հետևանքով զոհվել է «Հեզբոլլահ»-ի մամուլի ծառայության ղեկավարը
Բեյրութի կենտրոնում գտնվող շենքի վրա Իսրայելի հարձակման հետևանքով զոհվել է լիբանանյան «Հեզբոլլահ» շարժման մամուլի ծառայության ղեկավար Մոհամադ Աֆիֆը․ հայտնում է Al Jadeed հեռուստաալիքը։
«Հեզբոլլահի մամուլի ծառայության ղեկավար Մոհամադ Աֆիֆը սպանվել է Ռաս ալ Նաբաայում՝ Բաաս կուսակցության շենքի վրա ավիահարվածի հետևանքով»,- ասվում է զեկույցում։
Երկրի առողջապահության նախարարությունից նշել են, որ իսրայելական հարվածի հետևանքով մեկ մարդ զոհվել է, ևս երեքը՝ վիրավորվել։
