Իրանը բանակցություններ է վարում Սիրիայում իր դեսպանատան վերաբացման վերաբերյալ
Իրանի իշխանությունները բանակցություններ են վարում սիրիական կողմի հետ Դամասկոսում Իրանի դեսպանատան գործունեության վերսկսման շուրջ: Այս մասին հայտարարել է Իրանի կառավարության մամուլի քարտուղար Ֆաթեմեհ Մոհաջերանին, գրում է Mehr գործակալությունը։
«Մենք դիվանագիտական խորհրդակցություններ ենք երկրի դեսպանատունը վերաբացելու շուրջ», – ասել է Մոհաջերանին։
Կառավարության խոսնակը նաև ընդգծել է Սիրիայում «ահաբեկչության աճն ու զարգացումը» կանխելու կարևորությունն ինչպես Սիրիայի, այնպես էլ նրա հարևան պետությունների անվտանգությունն ապահովելու համար։
Մոհաջերանին հիշեցրել է, որ Թեհրանը նախկինի նման պնդում է «ժողովրդի կամքի վրա հիմնված սիրիական կառավարություն ձևավորելու և Սիրիայի տարածքային ամբողջականությունը պաշտպանելու անհրաժեշտությունը»։
