Անցած գիշեր ՌԴ օդային տարածքում ոչնչացվել է 104 ԱԹՍ

Անցած գիշեր ՌԴ հակաօդային պաշտպանության ուժերը երկրի 9 մարզերի օդային տարածքներում որսացել և ոչնչացրել են 104 անօդաչու թռչող սարք, հայտնում է ՌԴ պաշտպանության նախարարությունը։

Գերատեսչության փոխանցմամբ՝ 47 անօդաչու թռչող սարք է խոցվել Կուրսկի, 27-ը՝ Բրյանսկի, 11-ը՝ Սմոլենսկի, 7-ը՝ Տվերսկայայի, 4-ը՝ Բելգորոդի, 3-ը՝ Նիժնի Նովգորոդի մարզերի օդային տարածքներում։ Եվս 3 անօդաչու թռչող սարք է ոչնչացվել Կալուգայի, 1-ական Ռոստովի և Լենինգրադի մարզերի օդային տարածքներում։

ԱԹՍ-ների գորհի հետևանքով ոչ ոք չի տուժել, զոհեր և վիրավորներ չկան:

Ավելի վաղ՝ հունվարի 24-ի գիշերը Ռուսաստանի 13 մարզերում 121 անօդաչու թռչող սարք էր խոցվել։ Անօդաչուների այս հարձակումը ամենախոշորն էր 2025 թվականի սկզբից ի վեր։