Կալասը բացառում է ռուս-ուկրաինական հակամարտության լուծումն առանց ԵՄ-ի մասնակցության
Ռուս-ուկրաինական հակամարտության կարգավորման շուրջ ոչ մի համաձայնագիր չի կարող լինել առանց Եվրոպայի մասնակցության․ այս մասին Corriere della Sera թերթին տված հարցազրույցում ասել է ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը և նշել է, որ ԵՄ-ի օգնությունն Ուկրաինային բարեգործություն չէ։
«Այս պատերազմը Եվրոպայում է, վերաբերում է Ուկրաինային, բայց նաև Եվրոպային, իսկ իրական խաղաղության հասնելու համար Եվրոպայի մասնակցությունն անհրաժեշտ է: Ես չեմ տեսնում որևէ համաձայնագիր առանց ԵՄ-ի մասնակցության», – ասել է նա։
Իսկ Ուկրաինային տրամադրված ԵՄ օգնությունը Կալասը համարում է ներդրում սեփական անվտանգության մեջ։
«Մեզ համար Ուկրաինային օգնելը չի նշանակում բարեգործություն, մենք այդպիսով ներդրում ենք կատարում սեփական անվտանգության մեջ, որովհետև չենք ցանկանում, որ այս պատերազմն ավելի հեռու գնա, և մենք ուզում ենք կանգնեցնել այն», – նշել է քաղաքական գործիչը։
