Վլադիմիր Պուտինը և Սի Ծինփինը քննարկել են ռուս-ամերիկյան շփումները

Ռուսաստանի նախագահ Վլադիմիր Պուտինը և Չինաստանի նախագահ Սի Ծինփինը հեռախոսով քննարկել են ռուս-ամերիկյան շփումները․ այս մասին հայտնել է Կրեմլի մամուլի ծառայությունը։

«Վլադիմիր Պուտինը ՉԺՀ նախագահին տեղեկացրել է վերջին շրջանում տեղի ունեցած ռուս-ամերիկյան շփումների մասին», – ասված է հաղորդագրության մեջ:

Սի Ծինփինը աջակցություն է հայտնել Ռուսաստանի և ԱՄՆ-ի միջև երկխոսությանը և հայտնել Չինաստանի պատրաստակամությունը՝ օժանդակելու Ուկրաինայի հարցով խաղաղ կարգավորման ուղիների որոնմանը։