Մերձավանում կատարված սպանությունը բացահայտված է. ՆԳՆ խոսնակ
ՀՀ ՆԳՆ Քրեական ոստիկանությունը հայտնաբերել է Մերձավանում սպանություն կատարելու մասին խոստովանած անձին. այս մասին հայտնել է ՆԳՆ խոսնակ Նարեկ Սարգսյանը:
«Լայնածավալ օպերատիվ-հետախուզական միջոցառումների շնորհիվ հայտնաբերել և Համայնքային ոստիկանության Վաղարշապատի բաժին են ներկայացրել մեկ անձի, ով խոստովանել է, որ Մերձավանում ինքն է կրակոցներ արձակել 3 անձանց ուղղությամբ, ինչի հետևանքով 2-ը մահացել էին, իսկ 1-ը ստացել էր հրազենային վնասվածք: Հանցագործության գործիք հանդիսացող հրազենը հայտնաբերվել է. կտրվի լրացուցիչ տեղեկատվություն», – նշված է հայտարարության մեջ:
Զոհվածների թվում էր նաև Փարաքար համայնքի ղեկավար Վալոդյա Գրիգորյանը:
