Գալուզինը և Ռուբինյանը քննարկել են հայ-թուրքական հարաբերությունները և Հարավային Կովկասում համագործակցությունը
Ռուսաստանի Դաշնության ԱԳ փոխնախարար Միխայիլ Գալուզինը և Թուրքիայի հետ հարաբերությունների կարգավորման հարցերով Հայաստանի հատուկ ներկայացուցիչ, ՀՀ խորհրդարանի փոխխոսնակ Ռուբեն Ռուբինյանը հեռախոսազրույցի ընթացքում քննարկել են համագործակցությունը Հարավային Կովկասում և տարածաշրջանային «3+3» հարթակի շրջանակներում․ նշվել է ՌԴ դիվանագիտական ներկայացուցչության հայտարարության մեջ։
ՌԴ ԱԳՆ-ն նշել է, որ բանակցությունների ընթացքում ռուսական կողմը հաստատել է իր պատրաստակամությունը «շարունակելու նպաստել Երևանի և Անկարայի միջև համընկման կետերի որոնմանը, քանի որ հայ-թուրքական հարաբերությունների բարելավումը Հարավային Կովկասի կայունության և կայուն զարգացման կարևոր գործոն է»։
Իր հերթին՝ Հայաստանի խորհրդարանի փոխխոսնակը Գալուզինին տեղեկացրել է Հայաստանի և Թուրքիայի միջև հարաբերությունների կարգավորման ոլորտում վերջին զարգացումների մասին։
ՌԴ ԱԳՆ-ն հավելել է, որ կարծիքների փոխանակումն անցել է կառուցողական մթնոլորտում։
