Վաղվանից բոլոր հարցերը կքննարկվեն Արցախի ներկայացուցչության շենքում․ Արցախցիների իրավունքների պաշտպանության խորհուրդ

Արցախցիների իրավունքների պաշտպանության խորհուրդը տեղեկացնում է, որ 2025 թ. մայիսի 2-ից իր գործունեությունը կշարունակի Արցախի ներկայացուցիչության շենքում (ք. Երևան, Նաիրի Զարյան փողոց, 17/2 շենք)։

«Նշենք, որ մեր հայրենակիցները այս ընթացքում կարող են իրենց հուզող հարցերը, խնդիրներն ու առաջարկությունները ներկայացնել՝ գրելով Խորհրդի Ֆեյսբուքյան էջին։

Իսկ 2025 թ. մայիսի 5-ից, երկուշաբթի օրվանից, արդեն կարող եք մոտենալ Ներկայացուցչության շենք և տեղում քննարկել բոլոր հարցերն ու առաջարկությունները Խորհրդի անդամների հետ, ինչպես նաև դրանք փոխանցել մասնագիտական խմբերին», – ասվում է խորհրդի հայտարարության մեջ։