Մենք խաղաղություն ենք փնտրում, ոչ թե պատերազմ․ Իրանի նախագահ
Մենք եղբայրական հարաբերություններ ունենք տարածաշրջանի երկրների հետ, ընտանեկան կապեր՝ Ադրբեջանի և Թուրքմենստանի հետ։ Մյուսները (խմբ.-նկատի ունի ԱՄՆ) ցանկանում են մեզ ներքաշել պատերազմի մեջ։ Բայց մենք դա թույլ չենք տա. հայտարարել է Իրանի նախագահ Մասուդ Փեզեշքիանը։
«Մենք ձգտում ենք խաղաղության, այլ ոչ թե պատերազմի։ Մենք ձգտում ենք խաղաղության և կայունության ինչպես երկրի ներսում, այնպես էլ մեր հարևանների՝ Ադրբեջանի, Ռուսաստանի, Աֆղանստանի, Պակիստանի, Իրաքի և Սաուդյան Արաբիայի հետ։ Մենք աշխատում ենք եղբայրության և հավասարության համար», – նշել է Փեզեշքիանը։
