Բաքվում շինծու դատավարության ընթացքում Ռուբեն Վարդանյանի բողոքը կրկին մերժվել է
Բաքվում այսօր կայացել է Արցախի նախկին պետնախարար, գործարար և բարերար Ռուբեն Վարդանյանի «դատավարության» հերթական նիստը: Ինչպես հաղորդում են ադրբեջանական լրատվամիջոցները, Վարդանյանը բողոք է հայտնել «գործը» քննող դատավորական կոլեգիայի դեմ:
Վարդանյանի պաշտպան Աբրահամ Բերմանը պաշտպանել է բողոքը։
Դատախազները դիմել են դատարանին միջնորդությունը թողնել առանց քննության։
Խորհրդակցական սենյակից վերադառնալուց հետո դատարանը հայտարարել է, որ բողոքը թողել է առանց քննության:
Այնուհետև ցուցմունք են տվել այսպես կոչված «տուժողները»։
Հաջորդ նիստը տեղի կունենա մայիսի 27–ին:
