Արցախի խորհրդարանի նիստում Բաքվում գերության մեջ գտնվող Դավիթ Իշխանյանի փոխարեն ԱԺ նախագահ է ընտրվել պատգամավոր Աշոտ Դանիելյանը․ 24News
24News-ի տեղեկություններով՝ Արցախի խորհրդարանի նիստում Բաքվում գերության մեջ գտնվող Դավիթ Իշխանյանի փոխարեն ԱԺ նախագահ է ընտրվել պատգամավոր Աշոտ Դանիելյանը:
Լրատվականը գրում է, որ ԱԺ նիստին մասնակցել են բոլոր 5 խմբակցությունները՝ 28 պատգամավոր. նա ընտրվել է միաձայն:
Դանիելյանը Արցախի ԱԺ պատգամավոր էր ընտրվել նախկին նախագահ Արայիկ Հարությունյանի «Ազատ Հայրենիք – ՔՄԴ» դաշինքի ցանկով, սակայն հետագայում չի ողջունել նրա՝ Փաշինյանի քաղաքականության հետ համաձայնությունը:
Արցախի ԱԺ խոսնակի ժ/պ Գագիկ Բաղունցը, ըստ տեղեկությունների, շարունակելու է փոխնախագահի պարտականությունները:
