Թեհրանը և Վաշինգտոնը դեռ հեռու են միջուկային գործարքից. Արաղչի
Իրանն ու ԱՄՆ-ն իրականում այնքան էլ մոտ չեն միջուկային խնդրի լուծմանը․ այս մասին սոցցանցում հայտարարել է Իսլամական Հանրապետության արտաքին գործերի նախարար Աբբաս Արաղչին.
Նախարարը հավելել է, որ Իրանը ձգտում է դիվանագիտական կարգավորման, որը կհամապատասխանի բոլոր կողմերի շահերին։ Սակայն, ըստ նրա, նման լուծումը պահանջում է համաձայնագրի մշակում, որը ներառում է Իրանի դեմ պատժամիջոցների վերացում և խաղաղ նպատակներով ուրանի հարստացման թույլտվություն։
Ավելի վաղ CNN-ը հայտնել է, որ Վաշինգտոնն ու Թեհրանը մոտ ապագայում կարող են համաձայնագիր կնքել Իրանի միջուկային խնդրի կարգավորման շուրջ։
