Թուրքիան ակնկալում է, որ Ստամբուլում կայանալիք Ռուսաստան-Ուկրաինա հանդիպումը արդյունավետ կլինի․ Ֆիդան
Ստամբուլում մեկնարկել է ռուս–ուկրաինական բանակցությունների երկրորդ փուլը: Մեկնարկից առաջ ելույթ է ունեցել Թուրքիայի ԱԳ նախարար Հաքան Ֆիդանը, որի հայտարարությունը ներկայացնում ենք կետերով.
- Ստամբուլում Ռուսաստանի և Ուկրաինայի պատվիրակությունների հանդիպման նպատակն է քննարկել առաջնորդների մակարդակով հնարավոր հանդիպման նախապատրաստական աշխատանքները։
- Ռուսաստանի և Ուկրաինայի պատվիրակությունների Ստամբուլում կայացած հանդիպումը նպատակ ունի առաջընթաց գրանցել մարդասիրական հարցերում, մասնավորապես՝ գերիների փոխանակման հարցում։
- Ռուսաստանի և Ուկրաինայի պատվիրակությունները Ստամբուլի հանդիպմանը կքննարկեն հրադադարի հեռանկարները և իրենց դիրքորոշումները։
- Թուրքիան ակնկալում է, որ Ստամբուլում կայանալիք Ռուսաստան–Ուկրաինա հանդիպումը արդյունավետ կլինի:
- Թուրքիան պատրաստ է անել ամեն ինչ, ինչ անհրաժեշտ է Ուկրաինայի հակամարտությունը կարգավորելու համար:
- Էրդողանը ուկրաինական կարգավորման հարցով կապի մեջ է Պուտինի և Զելենսկիի հետ:
