Շինծու դատավարության հերթական նիստը․ Ռուբեն Վարդանյանի և փաստաբանի կողմից բացարկի պահանջը չի քննվել
Բաքվում այսօր կայացել է Արցախի նախկին պետնախարար, բարերար Ռուբեն Վարդանյանի գործով հերթական շինծու դատական նիստը։
Ադրբեջանական լրատվամիջոցները հայտնում են, որ այսօրվա նիստի ընթացքում նախկին պետնախարարն ու նրա փաստաբան Աբրահամ Բերմանը հերթական անգամ դատավորներին բացարկ հայտնելու միջնորդություն են ներկայացրել նրանց կողմնակալության պատճառով:
Սակայն այս անգամ էլ միջնորդությունը չի քննվել։
Հաջորդ նիստը նշանակված է հուլիսի 1-ին:
