Ադրբեջանի դեսպանը կանչվել է ՌԴ ԱԳՆ
Կապված Բաքվի ոչ բարեկամական գործողությունների և ռուս լրագրողների անօրինական ձերբակալման հետ, Ադրբեջանի դեսպանը կանչվել է ՌԴ ԱԳՆ․ РИА Новости-ին հայտնել են Ռուսաստանի արտաքին քաղաքական գերատեսչությունից։
Այսօր Բաքվում խուզարկություններ են տեղի ունեցել Sputnik Ադրբեջանի գրասենյակում։ Ձերբակալվել են գրասենյակի երկու աշխատակիցներ՝ գլխավոր խմբագիր Եվգենի Բելոուսովը և տնօրեն Իգոր Կարտավիխը։
«Բաքվի ոչ բարեկամական գործողությունների և ռուսաստանցի լրագրողների անօրինական ձերբակալության կապակցությամբ, որոնցից այս տարիների ընթացքում Ադրբեջանի իշխանությունները ոչ մի պահանջ չեն ունեցել, ԱԳՆ է կանչվել Ադրբեջանի դեսպանը», – նշել են գերատեսչությունում:
