Փաշինյանը կմեկնի ԱՄՆ՝ հանդիպելու Ալիևի և Թրամփի հետ
Վարչապետ Նիկոլ Փաշինյանը օգոստոսի 7-8-ին այց կկատարի Միացյալ Նահանգներ. հայտնում է ՀՀ կառավարությունը:
Ըստ հաղորդագրության՝ Վաշինգտոնում Փաշինյանը երկկողմ հանդիպում կունենա ԱՄՆ նախագահ Դոնալդ Ջ. Թրամփի հետ՝ Հայաստան-ԱՄՆ ռազմավարական գործընկերությունը խորացնելու նպատակով:
Նախատեսված է եռակողմ հանդիպում Դոնալդ Թրամփի և Իլհամ Ալիևի հետ.
«Վաշինգտոնում Փաշինյանը նաև կունենա եռակողմ հանդիպում ԱՄՆ նախագահ Թրամփի և Ադրբեջանի նախագահ Ալիևի հետ՝ միտված տարածաշրջանում խաղաղության, բարօրության և տնտեսական համագործակցության առաջմղմանը», – ասվում է հաղորդագրության մեջ:
