Մեր պահանջները Հայաստանի տարածքով միջանցքի հարցում կատարված են. Փեզեշքիան
Այս միջանցքը այն չէ, ինչի մասին չափազանցվել է լուրերում, և Իրանի Իսլամական Հանրապետության պահանջները կատարված են, իրանական լրատվամիջոցների փոխանցմամբ այս մասին հայտարարել է Իրանի նախագահ Մասուդ Փեզեշքիանը։
«Արաղչին վերջերս այս հարցի վերաբերյալ զեկույց է ներկայացրել, և որոշվել է, որ նրանք դա կքննարկեն։ Այս հարցում նկատվում է տարածքային ամբողջականության պահպանման սկզբունքը, կապի հաստատում Եվրոպայի հետ, այլ ոչ թե դրա փակումը հյուսիսից, ինչպես ցանկանում էր ռեժիմը։ Միակ մտահոգությունն այն է, որ այս ճանապարհը ցանկանում են կառուցել հայկական և ամերիկյան ընկերություններ», – ասել է Փեզեշքիանը։
