Նիկոլ Փաշինյանը հեռախոսով խոսել է Մասուդ Փեզեշքիանի հետ
Տեղի է ունեցել ՀՀ վարչապետ Նիկոլ Փաշինյանի հեռախոսազրույցն Իրանի Իսլամական Հանրապետության նախագահ Մասուդ Փեզեշքիանի հետ. հայտնում է ՀՀ կառավարությունը:
Վարչապետն Իրանի նախագահին ներկայացրել է օգոստոսի 8-ին Վաշիգնտոնում տեղի ունեցած բանակցությունների արդյունքները:
Ըստ հաղորդագրության՝ Փաշինյանն ընդգծել է, որ տարածաշրջանային հաղորդուղիները գործելու են երկրների տարածքային ամբողջականության, ինքնիշխանության, իրավազորության սկզբունքների շրջանակում և փոխադարձության հիման վրա։
«Նիկոլ Փաշինյանը Իրանի նախագահին շնորհակալություն է հայտնել վաշինգտոնյան համաձայնությունների մասին օբյեկտիվ գնահատականներով հանդես գալու համար և ընդգծել ԻԻՀ նախագահի՝ առաջիկայում Հայաստանի Հանրապետություն կատարելիք այցի կարևորությունը», – նշված է հաղորդագրության մեջ։
