Պաղեստին պետություն չի լինելու. Նեթանյահու

Իսրայելի վարչապետ Բենիամին Նեթանյահուն պաշտոնապես սկսել է նոր բնակավայրերի ընդլայնման ծրագիրը Արևմտյան Երուսաղեմի շրջանում, որը գրեթե անհնար կդարձնի ապագա Պաղեստին պետության ստեղծումը. գրում է Al Jazeera-ն:

Նեթանյահուն հինգշաբթի ստորագրել է համաձայնագիր, որով հաստատվում է Արևմտյան ափը երկայնքով տարածելու ծրագիրը։

«Մենք կատարելու ենք մեր խոստումը՝ Պաղեստին պետություն չի լինելու։ Այս հողը մեզ է պատկանում»,- հայտարարել է նա Երուսաղեմից արևելք գտնվող իսրայելական բնակավայրում։

Նրա խոսքով՝ քաղաքի բնակչությունը կրկնապատկվելու է։ Ծրագիրը նախատեսում է ևս 3,400 նոր բնակարան իսրայելցի վերաբնակվողների համար։ Սա կտրելու է Արևմտյան ափի մեծ մասը Արևելյան Երուսաղեմից և միացնելու է հազարավոր իսրայելական բնակավայրեր։

Արևելյան Երուսաղեմը առանձնակի կարևորություն ունի պաղեստինցիների համար, քանի որ այն իրենց ապագա պետության մայրաքաղաքն են համարում։

Արևմտյան ափում գտնվող բոլոր իսրայելական բնակավայրերը, որոնք ստեղծվել են 1967-ից հետո, միջազգային իրավունքի համաձայն համարվում են անօրինական՝ անկախ Իսրայելի ներքին թույլտվություններից։