Այսօր «Բացում» նախաձեռնության անդամները բողոքի ակցիա են իրականացրել
ՀՀ արտաքին գործերի նախարարության շենքի առջև։
«Դիմում ենք, հրատապ կարգով տրամադրել այն փաստաթղթերը, որոնք ուղարկվել
են միջազգային կառույցներին, պետություններին, այդ թվում, ՄԱԿ-ի Անվտանգության Խորհուրդ,
ԵՄ, ԵԱՀԿ, ԵԱՀԿ Մինսկի խումբ, ԵԽԽՎ, ՄԻԵԴ, Հաագայի միջազգային դատարան, ԱՄՆ, ՌԴ, Ֆրանսիա,
Մեծ Բրիտանիա, Չինաստան և այլն»,- նշեց ակցիայի մասնակիցներից մեկը։
Նրանք գերատեսչության շենքի առջև պահանջում էին Արցախի շրջափակումը
դադարեցնելու և հումանիտար աղետը կանխելու նպատակով քայլեր ձեռնարկել, պաշտպանել և
հետ վերադարձնել ԿԽՄԿ միջնորդությամբ Ստեփանակերտից Երևան եկող բուժառու Վագիֆ Խաչատրյանին
և Հին Շենի առևանգված բնակիչ Ռաշիդ Բեգլարյանին։