Հրապարակվել է Չարլի Քըրքի սպանության համար մեղադրվող Ռոբինսոնի և նրա զուգընկերոջ նամակագրությունը
Չարլի Քըրքի սպանության համար մեղադրվող Թայլեր Ռոբինսոնը սպանության օրը հաղորդագրություն է ուղարկել իր զուգընկերոջը՝ քննարկելով հնարավոր դրդապատճառը և սպանության պլանավորման մանրամասները․ գրում է CNN-ը՝ հղում անելով Յուտա նահանգի պաշտոնյաների կողմից երեքշաբթի հրապարակված մեղադրանքի փաստաթղթերին:
Նշյալ զուգընկերը ոստիկանությանը պատմել է Ռոբինսոնի կողմից ստեղնաշարի տակ թողած գրության մասին, որի վրա գրված էր. «Ես հնարավորություն ունեմ ոչնչացնելու Չարլի Քըրքին, և ես պատրաստվում եմ դա անել»։
Դատական փաստաթղթում մեղադրող կողմը Ռոբինսոնի զուգընկերոջը նկարագրել է որպես «կենսաբանական տղամարդ, որը սիրային հարաբերությունների մեջ է եղել» նրա հետ։ Փաստաթղթերի համաձայն՝ զուգընկերը սպանության օրը մեղադրյալի հետ ունեցած նամակագրությունը տրամադրել է ոստիկանությանը։
Հարցին՝ արդյո՞ք ինքն է սպանել Քըրքին, Ռոբինսոնը խոստովանել է, որ ինքն է կատարել հանցագործությունը՝ հավելելով, որ ոստիկանությունը սկզբում «բռնել էր մի ծերուկի, ապա հարցաքննել ինձ պես հանգնված մեկ այլ մարդու»։
«Ես պլանավորել էի կարճ ժամանակ անց վերցնել զենքս այն վայրից, որտեղ այն թողել էի, բայց քաղաքի այդ հատվածի մեծ մասը փակվել է։ Այնտեղ լուռ է, գրեթե հնարավոր է դուրս գալ, բայց մեկ մեքենա դեռ կանգնած է», – գրել է Ռոբինսոնը։
Պատասխանելով սպանության դրդապատճառների մասին զուգընկերոջ հարցին՝ նա նշել է․ «Ես կուշտ էի նրա ատելությունից։ Կա ատելություն, որը հնարավոր չէ հաղթահարել։ Եթե ես կարողանամ աննկատ վերցնել զենքս, ապա ոչ մի հետք չեմ թողնի»։
Ռոբինսոնը նշել է, որ սպանությունը պլանավորել է մեկ շաբաթից մի փոքր ավելի ժամանակում։
Հիշեցնենք, որ չորեքշաբթի սպանությունից մի քանի րոպե առաջ Չարլի Քըրքը պատասխանում էր տրանսգենդեր անձանց և զանգվածային կրակոցների մասին հարցին։
«Գիտե՞ք, թե վերջին 10 տարիների ընթացքում քանի՞ տրանսգենդեր ամերիկացի է զանգվածային կրակոցների հեղինակ դարձել», – հարցրել էր միջոցառման մասնակիցներից մեկը։ Հարցին ի պատասխան՝ Քըրքն ասել է․ «Չափազանց շատ»։
Հիշեցնենք նաև, որ Չարլի Քըրքը դեմ էր միասեռ ամուսնություններին՝ համարելով, որ ամուսնությունը պետք է լինի տղամարդու և կնոջ միջև։
