Թուրքիայի ՆԳ նախարարն ու Վրաստանի վարչապետը քննարկել են երկկողմ ռազմավարական հարաբերությունները

Թուրքիայի ներքին գործերի նախարար Ալի Յերլիքայան պաշտոնական այցով մենկել է Վրաստան․ գրում է Ermenihaber-ը։

Այցի շրջանակներում Յերլիքայան հանդիպել է Վրաստանի վարչապետ Իրակլի Կոբախիձեի և ներքին գործերի նախարար Գեկա Գելաձեի հետ։

Կոբախիձեի հետ հանդիպման ընթացքում քննարկվել են երկկողմ ռազմավարական հարաբերությունները և համագործակցությունը, ինչպես նաև շեշտվել է Թուրքիայի և Վրաստանի տարածաշրջանում տիրող խաղաղության գործընթացին նպաստելու կարևորությունը։ Կոբախիձեն շնորհակալություն է հայտնել Թուրքիայի ներքին գործերի նախարարին Վրաստան կատարած այցի համար և նշել, որ նման բարձր մակարդակի այցերը նպաստում են երկրների միջև ռազմավարական հետագա զարգացմանը։

Իսկ Վրաստանի ներքին գործերի նախարարի հետ հանդիպման ընթացքում շեշտվել է տարբեր ուղղություններով առկա սերտ գործընկերային հարաբերությունների հետագա խորացման կարևորությունը։