Կարծում եմ՝ մենք համաձայնության ենք եկել Գազայում պատերազմի հարցում. Թրամփ

ԱՄՆ նախագահ Դոնալդ Թրամփը հայտարարել է, որ իր կարծիքով՝ իրենք համաձայնության են եկել Գազայում պատերազմը դադարեցնելու վերաբերյալ. հաղորդում է Fox News-ը:

«Կարծես թե համաձայնության ենք եկել Գազայի հարցում. կտեղեկացնենք ձեզ այդ մասին։ Կարծում եմ՝ դա այնպիսի համաձայնագիր է, որը թույլ կտա վերադարձնել պատանդներին և կավարտի պատերազմը», – լրագրողներին ասել է Թրամփը։

Նշենք, որ Financial Times թերթի տվյալներով՝ արաբական և մահմեդական երկրների առաջնորդների հետ հանդիպմանը Թրամփը ներկայացրել է Գազայի հատվածում հակամարտության կարգավորման նոր ծրագիր: