Ռուսաստանի գիշերային հարձակման հետևանքով Կիևում զոհեր կան, այդ թվում՝ երեխա

Ուկրաինայի նախագահ Վոլոդիմիր Զելենսկին քննադատել է Ռուսաստանին՝ Կիևում տեղի ունեցած նոր հարձակումների համար, որոնց հետևանքով առնվազն չորս մարդ է զոհվել, այդ թվում 12-ամյա աղջիկ երեխա։ Նա մեղադրել է Ռուսաստանին քաղաքացիական օբյեկտների կանխամտածված թիրախավորման համար՝ վախ ու ահաբեկություն սերմանելու նպատակով. գրում է Euronews-ը:

Ռուսաստանը կիրակի գիշերը օգտագործել է դռոններ և հրթիռներ՝ մի քանի քաղաքների ուղղությամբ հարձակման համար, և հիմնական հարվածը եղել է մայրաքաղաք Կիևի վրա։ Սա Ուկրաինայի մայրաքաղաքի վրա վերջին ժամանակների ամենամեծ ռմբակոծումն էր: Նախորդ ամիս իրականացված օդային արշավի ժամանակ մոտ երկու տասնյակ մարդ էր զոհվել։

Կիևի քաղաքային վարչակազմի ղեկավար Տիմուր Թկաչենկոն տելեգրամի պաշտոնական ալիքի միջոցով հաստատել է զոհերի մասին տեղեկությունը։ Նա նաև հայտարարել է, որ հարձակման հետևանքով վիրավորվել է առնվազն 10 մարդ, և հարվածները հիմնականում թիրախավորել են քաղաքացիական տարածքները։