Իսրայելական բանակը դադարեցրել է հարձակողական գործողությունները Գազայում
Իսրայելի ռազմաքաղաքական ղեկավարությունը հրահանգել է ՑԱԽԱԼ-ին դադարեցնել Գազայի գրավմանն ուղղված հարձակողական գործողությունները. հայտնում է The Times of Israel-ը՝ հղում անելով իսրայելական բանակի «Գալեյ ՑԱԽԱԼ» ռադիոկայանին:
Ռադիոկայանի տվյալներով՝ հրամանը տրվել է ամերիկյան կառավարության պաշտոնյաների հետ հանդիպումների և շփումների արդյունքում:
Ավելի ուշ ռադիոկայանը հայտնեց, որ Գազայի հատվածում Իսրայելի պաշտպանության բանակի գործունեությունը «հասցվել է նվազագույնի»՝ սահմանափակվելով միայն պաշտպանական գործողություններով։
Հիշեցնենք՝ երեկ պաղեստինյան ՀԱՄԱՍ խմբավորումը համաձայնություն է տվել քննարկելու ԱՄՆ նախագահ Դոնալդ Թրամփի՝ Գազայի հատվածում խաղաղության հաստատման ծրագիրը:
