Թուրքիայի արտգործնախարարը հանդիպել է սիրիացի գործընկերոջ հետ
Թուրքիայի արտաքին գործերի նախարար Հաքան Ֆիդանը հանդիպել է սիրիացի գործընկեր Էսադ Հասան Շեյբանիի հետ։
Թուրքիայի դիվանագիտության ղեկավարը մեղադրանքների տարափ է տեղացել «Սիրիայի դեմոկրատական ուժեր» ընդդիմադիր կառույցի նկատմամբ։
««Իսլամական պետության» դեմ պայքարի անվան տակ բաժանարար օրակարգ իրականացնող Սիրիայի դեմոկրատական ուժերը (ՍԴԳ) այլևս պետք է հրաժարվեն այդ օրակարգից։ Կարևոր է, որ Սիրիայում գործող որևէ ահաբեկչական կազմակերպություն ոչ տարածաշրջանի որևէ երկրի, ոչ էլ մեզ համար չդառնա սպառնալիք», – ասել է Ֆիդանը։
Շեյբանին իր հերթին հայտարարել է, որ ՍԴԳ-ի հետ երկխոսության մեջ իրենք հիմք են ընդունում «մեկ երկիր, մեկ բանակ և մեկ տարածք» բանաձևը։
«Իսրայելի սպառնալիքները շարունակում են վտանգել մեր անվտանգությունը և խախտել մեր տարածքները՝ նոր շրջաններում», – հավելել է Սիրիայի արտգործնախարարը։
