Իրանի վրա հարձակումը չափազանց կարևոր էր, այլապես նրանք մինչև հիմա միջուկային զենք ու մարտագլխիկներ կունենային․ Թրամփ
Իրանի վրա հարձակումը չափազանց կարևոր էր, քանի որ եթե դա տեղի չունենար, նրանք, հավանաբար, մինչ այժմ կունենային միջուկային զենք, և ոչ թե մեկ, այլ մի քանի միջուկային մարտագլխիկներ․ ճեպազրույցի ժամանակ ասել է ԱՄՆ նախագահ Դոնալդ Թրամփը․
«Այնպես որ, նույնիսկ եթե մենք գործարք կնքեինք, այդ ամենի վերևում մի մեծ մութ ամպ կախված կլիներ, և դա արդեն բոլորովին այլ կլիներ: Իրանը բոլորովին այլ իրողություն է»,- ասել է ԱՄՆ նախագահը՝ նշելով, որ Իրանը ցանկանում է աշխատել խաղաղության հաստատման ուղղությամբ, և նրանք կհամագործակցեն։
