Զբոսանք, ցնցուղ, հեռախոս․ ի՞նչ պայմաններում Սարկոզին կկրի իր պատիժը

Ֆրանսիայի նախկին նախագահ Նիկոլա Սարկոզին դատապարտվել է 5 տարի ազատազրկման. նա Երկրորդ համաշխարհային պատերազմից ի վեր Ֆրանսիայի առաջին նախագահն է, որը բանտ է ուղարկվել։

Անվտանգության նկատառումներով՝ նախկին նախագահը կտեղավորվի բանտի հատուկ թևում, որը բաղկացած է մենախցերից։ Սանտեի բանտի պետ Սեբաստիան Կովելը խոստացել է, որ Սարկոզին չի հանդիպի բանտում գտնվող մյուս կալանավորների հետ, և որ նրան թույլատրվելու է օրական երկու անգամ զբոսնել։