Ադրբեջանի նախագահի օգնականը և դիվանագիտական կորպուսի անդամները կքննարկեն «Զանգեզուրի միջանցքի» շինարարությունը
Ադրբեջանի նախագահի օգնականն ու դիվանագիտական կորպուսի անդամները կայցելեն Ջրական ու Կովսական։ Այցի մասին X-ի իր էջում գրել է Ադրբեջանի նախագահի օգնական և նախագահի աշխատակազմի արտաքին քաղաքականության բաժնի ղեկավար Հիքմաթ Հաջիևը։
«Մենք՝ դիվանագիտական կորպուսի անդամների հետ միասին, նախագահ Իլհամ Ալիևի հետքերով ուղևորվում ենք Ջաբրայիլ (Ջրական) և Զանգիլան (Կովսական)։ Մեր առաջին կանգառը կլինի Հորուվլու գյուղը»,- գրել է նա։
Նրա խոսքով՝ այցի ընթացքում հիմնական ուշադրությունը կկենտրոնացվի, այսպես կոչված, «Զանգեզուրի միջանցքի» շինարարության, ինչպես նաև տարածաշրջանում իրականացվող երկաթուղային և ճանապարհային նախագծերի վրա։
