Միքայել սրբազանի ռեժիմը նույնն է․ փաստաբանը մանրամասներ է հայտնել
Միքայել սրբազանի տեղափոխումը Երևան քրեակատարողական հիմնարկից Իզմիրյան բժշկական կենտրոն որևէ իրավական կամ ռեժիմային փոփոխություն չի ենթադրում․ ABC Media-ի հետ զրույցում ասել է փաստաբան Մարինե Ֆարմանյանը։
«Ընդամենը պահման վայրի փոփոխություն է։ Ռեժիմը մնում է նույնը, անձը շարունակում է գտնվել կալանքի տակ։ Տեսակցությունների քանակը և պայմանները օրենքով սահմանված նույն շրջանակում են»,-նշել է Ֆարմանյանը։
Փաստաբանի փոխանցմամբ՝ Սրբազանը բժշկական հաստատությունում է բացառապես առողջական վիճակի հետ կապված անհրաժեշտ բուժօգնություն ստանալու նպատակով։
Լրացուցիչ հետազոտությունների կամ նոր բժշկական մանրամասների վերաբերյալ այս պահին փաստաբանը տեղեկություն չի հայտնել։
