Հայտնի է՝ որ երկրները զորք կուղարկեն Գազա

Ալբանիան, Ինդոնեզիան, Ղազախստանը, Կոսովոն և Մարոկկոն ստորաբաժանումներ կգործուղեն Գազայի հատվածում Միջազգային կայունացման ուժերի (ISF) ձևավորման համար․ այս մասին հայտարարել է Ուժերի հրամանատար գեներալ-մայոր Ջասպեր Ջեֆերսը։

«Մեր ծրագիրն այն է, որ ISF-ի մեկական բրիգադ տեղակայվի Գազայի հինգ տարբեր հատվածներում։ Կարճաժամկետ հեռանկարում, ոստիկանությանը պատրաստելուց բացի, նախատեսում ենք զորք տեղակայել Ռաֆահի հատվածում։ Միջնաժամկետ նպատակն է շարունակել ընդլայնել մեր ներկայությունը հատված առ հատված՝ շարժվելով դեպի երկարաժամկետ նպատակը՝ 12,000 ոստիկան և 20,000 ISF զինվոր», – նշել է Ջեֆերսը։