Հայաստանի ու Թուրքիայի միջև ուղիղ առևտրի մեկնարկի բյուրոկրատական նախապատրաստական աշխատանքներն ավարտվել են․ Թուրքիայի ԱԳՆ

2022 թվականից ի վեր Հայաստանի ու Թուրքիայի միջև հարաբերությունների կարգավորման գործընթացի շրջանակում ձեռնարկված վստահության ամրապնդմանն ուղղված միջոցառումների արդյունքում 2 երկրների միջև ուղիղ առևտրի մեկնարկի բյուրոկրատական նախապատրաստական աշխատանքներն ավարտվել են 2026 թվականի մայիսի 11-ին․ ասվում է Թուրքիայի ԱԳՆ տարածած հայտարարությունում։

Ինչպես նշվում է՝ երկու երկրների միջև ընդհանուր սահմանի բացման հետ կապված անհրաժեշտ տեխնիկական և բյուրոկրատական աշխատանքները դեռևս շարունակվում են։

«Նոր ներդրված կարգավորումների շնորհիվ հնարավոր է դարձել Թուրքիայից Հայաստան երրորդ երկրով կամ նույն երթուղով ժամանող ապրանքները որպես վերջնական նպատակակետ կամ ծագման վայր նշել «Հայաստանը/Թուրքիան»։ Հարավային Կովկասում երկարատև խաղաղությունն ու բարգավաճումն ամրապնդելու պատմական հնարավորության լույսի ներքո՝ Թուրքիան կշարունակի նպաստել տարածաշրջանում տնտեսական հարաբերությունների զարգացմանը և համագործակցության հետագա առաջխաղացմանը՝ ի շահ տարածաշրջանի բոլոր երկրների և ժողովուրդների», – նշվում է հայտարարությունում։