ԵԱՏՄ-ի, ռուսական շուկայի հետ կապված իրավիճակը շատերը ճգնաժամ են համարում, իսկ ես համարում եմ հնարավորություն․ Փաշինյան
Այսօրվա իրավիճակը՝ կապված ԵԱՏՄ-ի, ռուսական շուկայի հետ, շատերը ճգնաժամ են համարում, իսկ ես համարում եմ հնարավորություն․ այսօր ՀՀ կառավարության նիստում ասաց Նիկոլ Փաշինյանը։
«Սա ճգնաժամ չէ, սա հնարավորություն է, սա ճանապարհ է, և սա պատուհան է, որը մեր առաջ բացվել է, այսինքն՝ չի բացվել, մենք ինքներս ենք բացել այդ պատուհանը մեր առաջ։ Ծխնիները յուղել ենք, այդ բռնակները յուղել ենք, և հանգիստ բացել ենք դուռը, պատուհանը, և օդափոխությունը պետք է կազմակերպել նորմալ»,-ասաց Նիկոլ Փաշինյանը։
Ըստ նրա՝ ավարտվել է այն դարաշրջանը, երբ մենք չունեինք այլընտրանք։
«Մենք ամեն տեղ և անընդհատ պետք է ունենանք այլընտրանք, և ինչքան շատ, այդքան լավ։ Եվ մեր ժողովուրդը պետք է իմանա, որ ինքը հնարավորություն ունի որոշումներ կայացնելու, և դա մեր պարտքն է՝ այդ հնարավորությունը տալ»,- ասաց նա:
