Բայդենը վստահ է, որ Թրամփը կլինի Հանրապետական կուսակցությունից նախագահի թեկնածուն
Նյու Հեմփշիր նահանգում նախնական ընտրությունների արդյունքները վկայում են, որ ԱՄՆ նախկին առաջնորդ Դոնալդ Թրամփն է դառնալու նախագահի հանրապետական թեկնածուն. այս մասին հայտնել է Վաշինգտոնի ներկայիս աշխատակազմի ղեկավար Ջո Բայդենը, որը նույնպես պատրաստվում է դնել իր թեկնածությունն առաջիկա ընտրություններում։
«Այժմ պարզ է, որ Դոնալդ Թրամփը կլինի Հանրապետական կուսակցությունից նախագահի թեկնածուն», — ասվում է Բայդենի նախընտրական շտաբի կողմից հրապարակված հայտարարության մեջ: Ամերիկացի առաջնորդն ընդգծել է, որ ԱՄՆ-ում կայանալիք նախագահական ընտրություններում «խաղադրույքներն ավելի բարձր կլինեն, քան երբևէ»։ Ըստ Բայդենի, ամերիկացիների «անձնական ազատությունները» և երկրի տնտեսական իրավիճակը կախված կլինեն դրանց արդյունքից։
Թրամփն ավելի վաղ հայտարարել էր հունվարի 23-ին Նյու Հեմփշիրում Հանրապետական կուսակցության փրայմերիզում հաղթանակի մասին։ Նրա միակ մրցակից Նիկի Հեյլին ընդունել է պարտությունը։
ԱՄՆ հաջորդ նախագահական ընտրությունները տեղի կունենան նոյեմբերին։ 2023 թվականի ապրիլի 25-ին Բայդենը հայտարարել է, որ կփորձի վերընտրվել։ Թրամփն իր ընտրարշավին մասնակցելու մասին հայտարարել է 2022 թվականի նոյեմբերին։
