Իշխանության ներկայացրած տնտեսական աճը սիտուատիվ է, որը որևէ կերպ դրական չի անդրադառնում մարդկանց կյանքի վրա. Սուրբ Աննա եկեղեցու բակում ասել է էներգետիկ անվտանգության հարցերով փորձագետ, քաղաքագետ Վահե Դավթյանը:
Նրա խոսքով՝ իշխանությունը խոսում է ՀՆԱ-ի մասին, իսկ այդ երկնիշ աճը, որպես կանոն դոմինանտ ՀՆԱ-ի աճի մասին է, երբ պարզապես գնաճի ֆոնին աճում է գումարի շրջանառությունը:
«Զուտ քանակական առումով, տպավորություն է, թե մենք տնտեսական բարվոք վիճակում ենք, մինչդեռ առավել քան ակնհայտ է, որ տնտեսական իրական վիճակը, ՀՆԱ-ի աճը գնահատելու համար, մենք պետք է ուղիղ կապով կորելացնենք մարդկանց կյանքի որակի հետ սպառողական զամբյուղի հետ, այն, ինչն այսօր չի արվում»,- ասել է Վահե Դավթյանը:
Նրա խոսքով՝ մի կողմից մենք ունենք տնտեսական աճ քանակական ֆորմալ առումով արձանագրվող, մյուս կողմից ունենք ինֆլյացիոն լուրջ գործընթացներ:
