ԱՄՆ նախագահ Ջո Բայդենը հայտարարել է՝ վստահ չէ, որ իշխանության խաղաղ անցում կլինի, եթե Դոնալդ Թրամփը պարտվի նոյեմբերին կայանալիք նախագահական ընտրություններում․ գրում է BBC-ն։
Անցյալ ամիս ընտրապայքարից դուրս գալուց հետո իր առաջին հարցազրույցում Բայդենը CBS News-ին ասել է. «Թրամփը նկատի ունի այն, ինչ ասում է, մենք նրան լուրջ չենք վերաբերվում»։
Թրամփի հայտարարությունը, որ «երկրում արյունահեղություն կլինի», եթե նա պարտվի ընտրություններում, քննադատությունների ալիք է բարձրացրել։
Այս հայտարարությունից հետո դեմոկրատները վերահաստատեցին իրենց նախընտրական ուղերձն այն մասին, որ նախկին նախագահը վտանգ է ներկայացնում ժողովրդավարության համար:
Ի պատասխան մեղադրանքների՝ Թրամփի նախընտրական թիմն ասել է, որ հայտարարությունը միտումնավոր դուրս է բերվել համատեքստից: