Շաբաթներ տևած անկարգություններից հետո տեղի է ունեցել Բանգլադեշի ժամանակավոր կառավարության ղեկավարի երդմնակալությունը
Նոբելյան մրցանակակիր Մուհամմադ Յունուսը երդվել է որպես Բանգլադեշի ժամանակավոր ղեկավար՝ խոստանալով «պահպանել և պաշտպանել սահմանադրությունը»:
84-ամյա Յունուսի երդմնակալությունը՝ իր նոր կաբինետի մեկ տասնյակից ավելի անդամների հետ, տեղի է ունեցել Դաքքայի նախագահական պալատում։ Նա խոստացել է ազնվորեն կատարել իր պարտականությունները:
Յունուսը ժամանել է մայրաքաղաք Դաքքա՝ երկիր վարչապետ Շեյխ Հասինայի հրաժարականից ու Հնդկաստան փախուստից մի քանի օր անց։
Հիշեցնենք, որ Հասինան հրաժարական է տվել մի քանի շաբաթ տևած հակակառավարական ցույցերից ու անկարգություններից հետո, որոնց ընթացքում մահացել է ավելի քան 300 մարդ։
