Մեքսիկան մերժել է Պուտինին ձերբակալելու Ուկրաինայի խնդրանքը
Մեքսիկայի նախագահը հինգշաբթի մերժել է Ուկրաինայի կառավարության` Վլադիմիր Պուտինին ձերբակալելու խնդրանքը, եթե վերջինս, հաշվի չառնելով ձերբակալության մասին միջազգային օրդերը, հոկտեմբերին մասնակցի Մեքսիկայի նորընտիր նախագահի երդմնակալությանը․ գրում է Reuters գործակալությունը։
«Մենք չենք կարող դա անել», – լրագրողներին ասել է նախագահ Անդրես Մանուել Լոպես Օբրադորը՝ կառավարության հերթական մամուլի ասուլիսի ընթացքում։
«Դա մեզնից չէ կախված», – հավելել է նա։
Ավելի վաղ, Ուկրաինան խնդրել էր Մեքսիկային ձերբակալել Պուտինին, եթե նա հոկտեմբերի 1-ին մասնակցի ընտրված նախագահ Կլաուդիա Շեյնբաումի երդմնակալության արարողությանը՝ հղում անելով ՄԱԿ–ի Միջազգային քրեական դատարանի (ՄՔԴ) կողմից սահմանված ձերբակալության հրամանին:
Նորընտիր նախագահի թիմը Պուտինին հրավիրել է մասնակցելու երդմնակալության արարողությանը՝ նշելով, որ այս շաբաթվա սկզբին «դիվանագիտական նոտա» է ուղարկվել բոլոր այն երկրներին, որոնց հետ Մեքսիկան դիվանագիտական հարաբերություններ է պահպանում:
