Իրանի նախագահը կոչ է արել հարված հասցնել Ադրբեջանում Իսրայելի բազաներին․ The Daily Telegraph

Իրանի նախագահ Մասուդ Փեզեշքիանը կոչ է արել հարված հասցնել Ադրբեջանում Իսրայելի բազաներին․ գրում է The Daily Telegraph պարբերականը։

Ըստ աղբյուրի՝ Փեզեշքիանը փորձում է համոզել Իսլամական հեղափոխության պահապանների կորպուսին հրաժարվել Իսրայելին ուղղակի հարված հասցնելու գաղափարից՝ ի պատասխան Թեհրանում Իսմայիլ Հանիայի սպանության։ Նա առաջարկել է հարված հասցնել Իսրայելի գաղտնի բազաներին՝ Իրանի հարևան երկրներում:
ԻՀՊԿ բարձրաստիճան գեներալները պնդում են, որ ուղիղ հարված հասցնեն Թել Ավիվին և իսրայելական այլ քաղաքներին՝ կենտրոնանալով ռազմաբազաների վրա՝ քաղաքացիական բնակչության շրջանում զոհերից խուսափելու համար:

Պարբերականը նշում է, որ հնարավոր հարվածների վերաբերյալ վերջնական որոշումը կկայացնի Իրանի հոգևոր առաջնորդ այաթոլլահ Ալի Խամենեին։