Մոնղոլիան հրաժարվել է կատարել Միջազգային քրեական դատարանի հրամանը՝ Պուտինի ձերբակալության վերաբերյալ․ հայտնում է Bloomberg-ը։
«Կրեմլի պատրաստությունների հետ ծանոթ երկու աղբյուրների խոսքերով, Վլադիմիր Պուտինը նախապես երաշխիքներ է ստացել, որ իր նախատեսված այցի ընթացքում Մոնղոլիան չի ձերբակալի նրան՝ Միջազգային քրեական դատարանի հրամանի հիման վրա», – նշվում է հրապարակման մեջ։
Այցը նախատեսված է սեպտեմբերի 3-ին։ Պարբերականի հրապարակման մեջ նշվում է, որ Մոնղոլիան, լինելով Միջազգային քրեական դատարանի անդամ, պարտավոր է ձերբակալել Ռուսաստանի առաջնորդին դատարանի հրամանի համաձայն։ Այնուամենայնիվ, Կրեմլը ավելի վաղ հայտնել էր, որ այդ հարցով անհանգստանալու կարիք չկա։
