ՌԴ-ի և ԵՄ-ի հետ կապ հաստատելու Իրանին ձեռնտու ճանապարհը Հայաստանով է. Շահբազի
Իրանին՝ Ռուսաստանի հետ կապ հաստատելու համար ավելի ձեռնտու է գործածել Հայաստանի տարածքով անցնող երթուղին։ Sputnik Արմենիայի հետ զրույցում ասել է Թավրիզի առևտրաարդյունաբերական պալատի միջազգային կապերի գծով փոխտնօրեն Սահանդ Շահբազին։
Հիմա Իրանը ՌԴ-ի և ԵՄ-ի հետ կապվում է Ադրբեջանով ու Թուրքիայով անցնող ճանապարհներով։ Մինչդեռ
Շահբազին նշում է՝ իրենց վարորդներն Ադրբեջանում բախվում են մաքսայինի քաշքշուկների, ինչը մեծացնում է փոխադրման ժամանակը, իսկ Թուրքիայով երթուղին թանկ է, քանի որ բեռները նախ տեղափոխվում են սևծովյան նավահանգիստներ, այնուհետև մեկնում Ռուսաստան կամ ԵՄ:
Շահբազին կարծում է՝ դեպի Սև ծով ելքի համար Հայաստանի տարածքով երթուղին ավելի շահավետ է։
Ավելի վաղ հայտնի դարձավ, որ Երևանը նախատեսում է Թեհրանի և Դելիի մասնակցությամբ գործարկել առևտրատրանսպորտային երթուղի, իսկ մոտ ժամանակներս Իրանում այդ հարցով կանցկացվի եռակողմ հանդիպում:
