Իտալիան սահմանափակել է Շենգենյան ազատ տեղաշարժը Իսպանիայի հետ
Իտալիայի արտաքին գործերի նախարար, փոխվարչապետ Անտոնիո Տայանին հայտարարել է, որ Իսպանիայի հետ Շենգենյան համաձայնագրով ազատ տեղաշարժի սահմանափակումները պայմանավորված են ահաբեկչական սպառնալիքի կանխարգելման անհրաժեշտությամբ՝ Սեուտա քաղաքում անօրինական միգրանտների զանգվածային ներհոսքի ֆոնին։
Տայանիի խոսքով՝ Սեուտայում դեռևս հազարավոր միգրանտներ են գտնվում, այդ թվում՝ Սահարայից հարավ գտնվող երկրներից ժամանածներ։ Նա նշել է, որ Իտալիան չի ցանկանում հակադրվել Իսպանիային, սակայն անհրաժեշտ է ապահովել սահմանների անվտանգությունը։ Իտալիայի պաշտոնյան նաև հայտնել է, որ սահմանափակումները կվերացվեն, երբ իրավիճակը կրկին անվտանգ համարվի։
Իսպանիայի իշխանությունները, իրենց հերթին, պատասխան քայլով սահմանային վերահսկողություն են սահմանել։ Սեուտայում ստեղծված ճգնաժամի ֆոնին Իսպանիան նաև զինված ուժերի ներգրավմամբ ուժեղացրել է քաղաքի անվտանգությունը։
