Հայտնի է Լարսում մեքենաների կուտակումների պատճառը
Լարսում մեքենաների ու բեռնատարների կուտակումը պայմանավորված է նրանով, որ երկու օր առաջ Խաչի լեռնանցքը փակվել էր ձյան պատճառով, որի հետևանքով ճանապարհը մի ամբողջ օր չի շահագործվել. ABC Media–ի հետ զրույցում ասաց ՌԴ–ում ՀՀ դեսպանատան մաքսային կցորդ Վահան Հակոբյանը:
Նրա խոսքով՝ այժմ այդ կուտակումները մաքրվում են:
«Որպես այդպիսին՝ այս պահին մեծ կուտակումներ չկան, ինտենսիվ աշխատանք է տարվում կուտակումները մաքրելու ուղղությամբ, իսկ հերթում երկար սպասող բեռնատարներ չունենք»,- ասաց Հակոբյանը:
Դիտարկմանը, որ կան փչացող մթերք տեղափոխող բեռնատարներ, որոնք կարող են խնդիրներ ունենալ, եթե դրանք ժամանակին տեղ չհասնեն, մաքսային կցորդն ասաց, որ դրանք, որպես կանոն, ունեն առաջնահերթություն և մյուսների պես երկար հերթ չեն կանգնում:
