Միջազգային մամուլը՝ անդրադարձել է Արցախում Ադրբեջանի սանձազերծած ռազմական գործողություններին
և Երևանում ծավալվող բողոքի ակցիաներին։
Reuters
Ադրբեջանը երեքշաբթի օրը հրետանային հարվածների ուղեկցությամբ զորքեր է ուղարկել հայերի
կողմից վերահսկվող Լեռնային Ղարաբաղ՝ փորձելով ուժով ենթարկեցնել տարածաշրջանը՝ բարձրացնելով
իր հարևան Հայաստանի հետ նոր պատերազմի վտանգը։
The Guardian
Ադրբեջանը հարձակումներ է սկսել վիճելի Լեռնային Ղարաբաղի տարածաշրջանի դեմ, ռմբակոծություններով
հարվածել է շրջանային մայրաքաղաք Ստեփանակերտին, ինչը իրենից ներկայացնում է պայթյունավտանգ
քայլ, որը սպառնում է վերաբացել 2020 թվականի արյունալի պատերազմը:
CNN
Ադրբեջանը գործողություններ է սկսել Լեռնային Ղարաբաղում հայկական ուժերի դեմ։
BBC
Ադրբեջանը օպերացիա է սկսում Լեռնային Ղարաբաղի դեմ և պահանջում է հանձնվել։
Հարյուրավոր հայ ցուցարարներ, հիասթափված իրենց երկրի արձագանքից, բախվել են ոստիկանության
հետ Երևանի կառավարության դիմաց՝ իրենց առաջնորդին դավաճան անվանելով և կոչ անելով
հրաժարական տալ:
The Washington post
Ադրբեջանի և Հայաստանի միջև մարտեր են բռնկվել Լեռնային Ղարաբաղում:
Հայաստանի վարչապետ Նիկոլ Փաշինյանը հայտարարել է, որ երկիրը չի ձեռնարկի «ոչ մի չհաշվարկված,
կտրուկ և արկածախնդիր գործողություններ» և նախատեսում է զերծ մնալ ռազմական գործողություններից։
Միևնույն ժամանակ, մի քանի հարյուր ցուցարարներ հավաքվել են Երևանի կենտրոնում՝ պահանջելով
Փաշինյանից ավելի վճռական քայլեր ձեռնարկել հայերին պաշտպանելու համար։
France 24
Ադրբեջանը գործողություն է սկսել Ղարաբաղում՝ խոստանալով գնալ «մինչև վերջ»։
Բռնության այս դեպքը եղավ այն ժամանակ, երբ Ռուսաստանը՝ տարածաշրջանում ավանդական ուժային
միջնորդը, խճճվել է ուկրաինական հակամարտության մեջ:
Վերջին շրջանում անկայուն կովկասյան տարածաշրջանում նոր պատերազմի մտավախությունն աճում
է, Հայաստանը մեղադրում է Ադրբեջանին վիճելի հայաբնակ տարածքի շուրջ զորքերի կուտակման
մեջ:
Հայաստանի մայրաքաղաքում զայրացած ցուցարարները բախվեցին ոստիկանների հետ՝ Փաշինյանի
հրաժարականի պահանջվ բողոքի ցույցերի ժամանակ։
