Նեթանյահուն ԱՄՆ է մեկնել սրտաբանի ուղեկցությամբ

«Շեբա» բժշկական կենտրոնի ավագ սրտաբան,  բժիշկ Էյալ Հելերը Իսրայելի վարչապետ Բենիամին Նեթանյահուի հետ մեկնել է Վաշինգտոն, հայտնում է Times of Israel-ը։

2023 թվականին Նաթանյահուին սրտի խթանիչ է տեղադրվել: Իսրայելի վարչապետը նախկինում սրտի հետ կապված խնդիրներ ուներ։

Նեթանյահուի գրասենյակը ոչ մի հայտարարություն չի արել Հելերի ուղևորության պատճառների մասին, սակայն դա կարող է վկայել վարչապետի առողջական վիճակին ուշադիր հետևելու ցանկության մասին, հատկապես այն բանից հետո, երբ դեկտեմբերի վերջին նա շագանակագեղձի վիրահատություն էր տարել, հաղորդում է իսրայելական լրատվամիջոցը։